काठमाडौं । युनाइटेड अजोड इन्स्योरेन्सको प्रमुख कार्यकारी अधिकृत (सीइओ)मा कमल गौतम नियुक्र भएका छन् । कम्पनीको मंसिर २५ गते बसेको सञ्चालक समितिको बैठकले उनलाई आगामी चार वर्षका लागि सीईओमा नियुक्त गरेको हो ।
उनीसँग वित्तीय क्षेत्रमा तीन दशकभन्दा बढी काम गरेको अनुभव रहेको छ। यसअघि उनले विभिन्न बैंक तथा वित्तीय संस्थामा कार्य गरी, विकास बैंक र बीमा कम्पनीमा समेत जिम्मेवारी सम्हालीसकेका छन् ।
कमल गौतमले एमबीए सम्मको अध्ययन पूरा गरेका छन् । उनको कार्यक्षमताको मूल्यांकन गर्दै, युनाइटेड अजोड इन्स्योरेन्सले प्रमुख कार्यकारी अधिकृतको रुपमा नियुक्त गरेको हो।
गौतमले आफ्नो कार्यकालमा संस्थालाई उत्कृष्ट बनाउँदै थप विश्वास जित्ने उद्देश्य लिएका छन्। उनले कम्पनीका कर्मचारीसँग सहकार्य र समूहगत प्रयासमा जोड दिने बताएका छन् ।
