काठमाडौं । काठमाडौं–तराई मधेस द्रुतमार्ग (फास्ट ट्र्याक ) को रेखांकन परिवर्तन हुने भएको छ । सरकारका प्रवक्ता तथा संचारमन्त्री गोकुल प्रसाद बास्कोटाले यो हप्ताका मन्त्रिपरिषदका निर्णयहरु सुनाउँदै फास्ट ट्र्याकको रेखांकन परिवर्तन गर्न लागेको बताएका हुन ।
यो हप्ताको १, २ र ४ गते बसेको मन्त्रिपरिषद बैठकले विभिन्न सचिवहरुको सरुवा गर्ने समेत निर्णय गरेको छ । यस्तै यो हप्ताका मन्त्रिपरिषद बैठकहरुले विदेशी सहायता स्वरुप ११ अर्ब रुपैयाँ अनुदान स्विकार गर्ने समेत निर्णय गरेको छ ।
साथै सुन्धारास्थित संचयकोषको जग्गा र धरहरा निर्माण भईरहेको गोश्वारा हुलाकको जग्गा साटासाट गर्ने समेत निर्णय गरिएको मन्त्री बास्कोटाले जानकारी दिएका छन । हिमाली क्षेत्रका अधुरा आयोजनामा थप रकम उपलब्ध गराउने, धौवादी फलाम खानी लिमिटेड स्थापना गर्ने लगायतका निर्णयहरु गरिएको छ ।
