काठमाडौं । सरकारले आर्थिक बर्ष २०७६÷७७ को बजेटमार्फत पूर्व पश्चिम रेलमार्ग तथा काठमाडौंमा मेट्रो, मोनो रेलमार्ग निर्माणको लागि ७ अर्ब ७० करोड रुपैयाँ बजेट विनियोजन गरेको छ ।
सरकारले आगामी आर्थिक बर्ष भित्रै विद्युतिय रेलमार्ग निर्माण गर्ने भएको छ । यसैगरी बजेटमार्फत आगामी २ वर्ष भित्र सबै पुर्वपश्चिम रेलमार्गको विस्तृत परियोजना अध्ययन सम्पन्न गरी काँकटभित्ताबाट निर्माण सुरु गर्ने गरी उक्त रकम वियोजन गरेको हो ।
काठमाडौंलाई दुवैतर्फको रेलमार्गले जोड्ने गरी काठमाडौं विरगन्ज र काठमाडौं रसुवागढी रेलमार्गको डीपीआर तयार गरी दुई वर्षभित्र निर्माण कार्य सुरु गर्ने भएको हो ।
त्यस्तै रेल तथा जलयातायातको लागि १ खर्ब ६३ अर्ब ५२ करोड रुपैयाँ वजेट विनियोजन गरेको छ ।
