काठमाडौं । निर्माणजन्य सामग्री उत्पादन गर्दैै आईरहेको एसियन कंक्रिटोले अबदेखि नेपाल गुणस्तरमा पनि सामग्री उत्पादन गर्ने भएको छ । यसअघि युरोपियन र भारतीय मापदण्ड अनुसार निर्माण सामग्री उत्पादन गर्दै आएको कम्पनीले नेपाल गुणस्तर अनुसार पनि निर्माण सामग्री उत्पादन थालेको हो ।
गत बैशाख ७ गते नेपाल गुणस्तर तथा नापतौल विभागबाट नेपाल गुणस्तर चिह्न (एनएस) पाएपछि कम्पनीले सोही मापदण्ड अनुसार विभिन्न सामग्री उत्पादन गरिरहेको छ ।
कम्पनीका अध्यक्ष मनिष रुंगटाका अनुसार नेपालमा यस्तो सामग्री बनीनसकेको अवस्थामा कम्पनीले युरोपियन र भारतीय मापदण्डलाई अनुशरण गरी नेपाल गुणस्तरमा पनि निर्माण सामग्री उत्पादन थालिएको हो । हाल उद्योगले ३० प्रकारका निर्माणजन्य सामग्री उत्पादन गर्दै आईरहेको कम्पनीका निर्देशक अनिल जाटियाले जानकारी दिए । जसमध्ये कर्बस्टोन र इन्टरलक ब्लक नेपाल गुणस्तर चिन्ह प्राप्त गर्ने पहिलो प्रोडक्ट भएका छन् ।
कम्पनीका अनुसार हाल नेपाल सरकारले नै विभिनन पूर्वाधार विकासमा ८० देखि ९० प्रतिशत कर्बस्टोन र इन्टरलक ब्लक खपत गरिरहेको छ । तर, गुणस्तर चिह्न प्राप्त निर्माण सामग्री प्रयोग गरे बार्षिक अर्बाै रुपैयाँ मर्मतसम्भार खर्च कटौति गर्न सकिने कम्पनीका भाईस प्रेसिडेन्ट श्यामल झाले बताए ।
