काठमाडौं । अस्ट्रेलियाको बायोटेक कम्पनी एना रेस्पेरीले चिसो र फ्लूको विरूद्ध लड्न मानव प्रतिरक्षा प्रणालीमा सुधार गर्ने नाकको स्प्रेले कोरोनाभाइरसको बृद्धिलाई घटाएको बताएको छ । जनावरहरूमा गरिएको एक अध्ययनमा यस्तो सफलता हात परेको कम्पनलिे उल्लेख गरेको छ ।
फेरेट्समा गरिएको एक अध्ययनमा इना–०५१ को उपयोग गरिएका थियो । जसलाई खोपको पूरकको रूपमा प्रयोग गर्न सकिने र यसले भाइरसको स्तर कम गरेको कम्पनीले बताएको छ ।
जसले कोभिड–१९ लाई ९५ दशमलव ५ प्रतिशतसम्म कम गरेको कम्पनीले उल्लेख गरेको छ । यो अध्ययनको नेतृत्व ब्रिटिश सरकारी एजेन्सी पब्लिक हेल्थ इग्ल्यान्डले गरेको थियो ।
एना रेस्प्रेरेटरीले इना–०५१ को उत्पादन चार महिना भन्दा कम समयमा मानव शरीरमा परीक्षण गर्न तयार हुन बताएको छ । जसका लागि विषाक्ततासम्बन्धी सफलतापूर्वक अध्ययन र नियामकबाट स्वीकृति लिइएको छ ।
कम्पनीले स्प्रेको विकासका लागि ११.७ मिलियन डलर उठाएको छ । उद्यम पूंजी फर्म ब्रान्डन क्यापिटल लिमिटेड, अष्ट्रेलियाली संघीय सरकार, पेन्सन कोष र बायोटेक जायन्ट सीएसएल लिसमेत यसमा लगानी साझेदार रहेका छन् ।
विश्वभरिका धेरै कम्पनीहरू कोरोनाभाइरस खोप विकासको खोजीमा छन् । अष्ट्रेलियाले केही औषधी कम्पनीहरूसँग कोभिड १९ को सम्भावित खोपहरू तयार हुनेबित्तिकै हात पार्न अरबौं लगानी गर्ने सम्झौता गरिसेको छ ।
कोरोनाले हालसम्म विश्वव्यापी रुपमा १० लाख बढीको ज्यान गइसकेको छ । अष्ट्रेलियामा अहिलेसम्म कोरोनाबाट ८७५ जनाको मृत्यु भइसकेको छ भने २७,००० भन्दा बढी संक्रमित भएका छन् । जुन अन्य विकसित देशहरूमा रिपोर्ट गरिएको संख्याभन्दा धेरै कम छ । –याहुहेल्थबाट अनुवाद
