काठमाडौं । अब पूरै सिट भरेर जहाज चलाउन पाइने भएको छ । शुक्रबार संस्कृति, पर्यटन तथा नागरिक उड्डयन प्राधिकरण मन्त्रालयले जहाजका सिटभरी यात्रु राखेर संचलान गर्न पाउने निर्णय गरेको हो । गत हप्ताको मन्त्रिपरिषद बैठकले जहाज सिट क्षमताको ५० प्रतिशत मात्रै यात्रु राखेर जहाज संचालन गर्न निर्देशन दिएको थियो । तर वायुसेवा संचालक संघले आधा यात्रु बोकेर जहाज उडान नसकिने अडान लिएका थिए ।
सोहीअनुसार असोज १ गतेदेखि संचालन हुने भनिएको आन्तरिक उडान प्रभावित बनेको थियो । तर मन्त्रालयले आजै उक्त निर्णय गरेपश्चात वायुसेवा कम्पनीहरुले पनि असोज ५ गतेदेखि जहाड उडाउने भएका छन् । मन्त्रालयले एक विज्ञप्ती जारी गर्दै असोज ५ गतेदेखि आन्तरिक उडान भर्न निर्देशन दिएको छ ।
विज्ञप्तीमा क्षमताको आधा यात्रु बोकेर उडान गर्नुपर्ने भने उल्लेख गरिएको छ । जसअनुरुप अब वायुसेवा संचालकहरुले जहाजभरी यात्रु राखेर उडान गर्न पाउने भएका हुन् । तर मन्त्तालयले लकडाउन अघिको बजार हिस्सालाई तुलना गर्दाै असोज १४ गतेसम्मका लागि २५ प्रतिशत मात्रै उडान गर्न निर्देशन दिएको छ ।
यस्तै मन्त्रालयले विमानस्थलमा अनावश्यक भिड बढ्न नदिने, हेल्थ डिक्लेरेसन फारम भर्नुपर्नेलगायतका शर्तसमेत राखेको छ । कोरोना भाइरसको महामारी सुरु भएसँगै सरकारले गत चैत ११ गतेदेखि आन्तरिक उडान रोकेको थियो ।
