काठमाडौं । अबदेखि पोईन्ट अफ सेल (पीओएस) मार्फत कारोबार गर्दा अतिरिक्त शुल्क नलाग्ने भएको छ । नेपाल राष्ट्र बैंकले एक सुचना जारी गर्दै पीओएस मेशिनमार्फत कारोबार गर्दा अबदेखि अतिरिक्त शुल्क नलाग्ने जानकारी दिएको हो ।
बैंकले होटल, सपिङ मल, पसल, डिपार्टमेन्टर स्टोर लगायतका स्थानमा पीओएस मार्फत कारोवार गर्दा कतिपय यस्ता निकायहरुले अतिरिक्त शुल्क लगाउँदै आएका थिए । अब भने राष्ट्र बैंकले नै यसमा कडाई गर्दै अतिरिक्त शुल्क लिन नपाईने व्यवस्था गरेको हो ।
यस्तै राष्ट्र बैंकले यस्ता निकायहरुले अतिरिक्त शुल्क लिएको पाईएमा सम्पर्क गर्न समेत अनुरोध गरेको छ ।
