काठमाडौं । दशैं तिहारको छुट्टी मनाउने सोचमा हुनुहुन्छ भने हिल ट्राभल एण्ड टुर्स प्रालिले आकर्षक कालिञ्चोक टुर प्याकेज सार्वजनिक गरेको छ ।
पछिल्लो समयमा नेपालीहरु दशैं तिहार वा फुर्सदको समयमा आन्तरिक भ्रमण गर्नेक्रम बढेसँगै बिभिन्न ट्राभल कम्पनीहरले आकर्षक प्याकेजको घोषणा गर्ने गरेको पर्यटन ब्यवसायीहरुले बताउँदै आएको छ ।
त्यस्तै राजधानीको धुलो तथा फोहोरबाट वाक्क लागेका बेला रिफ्रेसमेन्टको लागि हिल ट्राभल एण्ड टुर्स प्रालिले कालिञ्चोक टुरको प्याकेज सार्वजनिक गरेको हो ।
कम्पनीले काठमाडौं देखि कालिञ्चोक सम्म ४५ सय रुपैयाँमा एक रात २ दिनको प्याकेज सार्वजनिक गरेको कम्पनीका अध्यक्ष सरोजमोहोन लामाले जानकारी दिएका छन । कम्पनीले कालिञ्चोकसँगै दोलखाको भिमेश्वर मन्दिर, जिरी तथा शैलुङको लागि समेत आकर्षक प्याकेज बनाएको छ ।
त्यस्तै ईमेज ट्रेक एण्ड ट्राभल्स सर्भिस प्रालिले दशैं तिहार लक्षित प्याकेज अन्तगरत मुस्ताङ, रारा, मार्दी हिमाल, दार्जिलिङ–सिकिम, भारतकै नैनी ताललगायतका रहेको छ ।
५ हजार ४ सय ९९ सय रुपैयाँ देखी १८ हजार ४ सय ९९ सय रुपैयाँ सम्मको प्याकेज रहेको ईमेज ट्रेक एण्ड ट्राभल्स सर्भिस प्रालिका म्यानेजर सौरव तामाङले जानकारी दिएका छन ।
उनका अनुसार मुस्ताङ ४ रात ५ दिनको ९ हजार ४ सय ९९ रुपैयाँ, राराको लागि ६ रात ७ दिनको १६ हजार ४ सय ९९ रुपैयाँ, अन्नपूर्ण बेस क्याम्प ७ रात ८ दिनको १८ हजार ४ सय ९९ रुपैयाँ रहेको छ ।
त्यस्तै भारतको नैनी ताल ५ दिन ६ रातको लागि १२ हजार ९ सय ९९ रुपैयाँ, दार्जिलिङ–सिकिम ५ दिन ६ रातको लागि ११ हजार ४ सय ९९ रुपैयाँ, घले गाउँ बन्दीपूर र सिग्लेस ३ रात ४ दिनको लागि ५ हजार ४ सय ९९ रुपैयाँ रहेको छ ।
