बिजखबर संवाददाता
१३ जेठ, काठमाडौं । नेपाल उद्योग वाणिज्य महासंघको अध्यक्ष पदका लागि आगमी असार १८ चुनाव हुने भएको छ । बुधवार बसेको महासंघको कार्यसमिति वैठकले यस्तो निर्णय गरेको हो । अध्यक्षको रिक्त पदलाई अनुमोदन गर्दै विशेष साधारणसभा तोकिएको महासंघका उपाध्यक्ष शेखर गोल्छाले बताए ।
‘आगमी आसर १८ गतेलाई विशेष साधारणसभा तोकेका छौं’ गोल्छाले भने, ‘विशेष साधारणसभाले अध्यक्ष निर्वाचित गर्ने छ ।’
२०७० मा महासंघका अध्यक्षमा निर्वाचित प्रदीपजंग पाण्डे फौजदारी अभियोगमा पक्राउ परेका थिए । त्यसपछि महासंघ स्थाइ कमिटिले महासंघको अध्यक्ष पद रिक्त भएको निर्णय गरेको थियो । उक्त निर्णयलाई अनुमोदन गर्दै कार्यसमिति वैठकले विशेष साधारणसभा डोको हो ।
महासंघको विधानमा अध्यक्ष पद रिक्त भएको अवस्थामा कार्यबाहक अध्यक्षले विशेष साधारणसभा बोलाएर अध्यक्षका लागि निर्वाचन गर्नुपर्ने व्यवस्था छ । विधानअनुसार अध्यक्षको निर्वाचनका लागि विशेष साधारणसभा डाकिएको उनले बताए ।
