काठमाडौं । सिटिजन्स बैंक इन्टरनेसनलको प्रमुख कार्यकारी अधिकृतमा गणेशराज पोेखरेल नियुक्त भएका छन् । बैंक संचालक समितिको आज बसेको बैंठकले उनलाई सिईओमा नियुक्त गरेको हो ।
बैंकका तत्कालिन सिईओ राजनसिंह भण्डारीको समयावधि सकिएसँगै उनले कायम मुकायम सिईओको रुपमा काम गर्दै आएका थिए । उनलाई संचालक समितिले चैत्र १८ गते बाट लागु हुने सिईओमा नियुक्त गरेको हो ।
पोखरेललाई आगामी ४ वर्षका लागि सिईओमा नियुक्त गरिएको हो । पोखरेल स्थापनाकाल देखिनै सिटिजन्स बैंकमा कार्यरत थिए ।उनले ल २०६५ साल देखिनै दोस्रो वरियतामा रही बैंकमा कार्यसम्पादन गर्दै आएका थिए ।
बैंकिङ क्षेत्रमा २५ बर्षभन्दा लामो अनुभव भएका पोखरेललत्रिभुवन विश्व विद्यालयबाट मार्केटिङमा स्नातकोत्तर, कानुनमा स्नातक गरेका छन् । साथै काठमाडौं विश्व विद्यालयबाट वित्त व्यवस्थापन विषयमा स्नातकोत्तर समेत गरेका छन् ।
नवनियुक्त सिईओ पोखरेलले ‘भित्र सिस्टम र बाहिर इमेज’ लाई काम गर्दा प्रमुख विषय बनाउने र समस्त सरोकारवालाहरूको हितमा काम गर्ने बताए । साथै नीति नियमको पालना आफ्नो प्राथमिकतामा पर्ने र सो अवधिमा बैंकलाई थप उचाईमा पुर्याउने गरी काम गर्ने प्रतिवद्धता व्यक्त गरेका छन् ।
