काठमाडौं । विश्वका उत्कृष्ट १९ गन्तव्यहरुको सुचीमा नेपाल पनि समेटिएको छ । हालसालै विश्वको पर्यटन सम्बन्धी र्याङिकङ गर्ने ‘ट्राभल’ नामक म्यागेजिनले नेपालको होटललाई उत्कृष्ट सुचीमा राखेसँगै नेपालको सडक यात्रालाई पनि विश्वको आनन्दमय यात्राको रुपमा सुचीमा समावेश गरेको छ ।
यस्तै सोही म्यागेजिनले विश्वका उत्कृष्ट तथा साहसिक गन्तव्यमा पनि नेपाललाई अटाएको छ । म्यागेजिनले नेपालमा सेप्टेम्बरदेखि नोभेम्बरसम्म खुला तथा निलो आकासको अवलोकनसहित विभिन्न रोमाञ्चक दृश्यहरुको अवलोकन गर्न पाईने बताएको छ ।
साथै नेपाललाई उक्त गन्तव्यहरुको सुचीमध्ये ११ औँ स्थानमा राख्दै तेन्जिङ हिलारी विमानस्थल लुक्लालाई दृश्यावलोकनको लागि विशेष स्थान चयन गरेको छ । म्यागेजिनले नेपालको उक्त दृश्यावलोकन गर्नका लागि काठमाडौंको जोस्टलमा बस्ने प्रतिरातको ४ दशमलव ६९ युरो र बेलायतबाट काठमाडौंसम्मको हवाई भाडा ५ सय ७१ युरो लाग्ने जानकारी दिएको छ । म्यागेजिनले उक्त साहसिक तथा उत्कृष्ट गन्तव्यको सुचिमा टर्कीलाई समेटेको छ ।
यी हुन उत्कृष्ट १९ गन्तव्य
- श्रीलङका
- टर्की
- इजरायल
- फिलिपिन्स
- बेलिज
- ईन्डोनेशिया
- अर्जेन्टिना
- मेक्सिका
- दक्षिण कोरिया
- टोरन्टो क्यानडा
- नेपाल
- ईक्वाडोर
- चिली
- सिङगापुर
- भारत
- ग्रीस
- स्विजरल्यान्ड
- पेरु
- मोरक्को
