काठमाडौं । अहिले वाईडबडीकै कारण बजार नराम्रो सँग तातेको छ । तर वाईडबडी खरिदकर्ता अर्थात नेपाल वायुसेवा निगम र संस्कृति पर्यटन तथा नागरिक उड्डयन मन्त्रालय भने चुपचाप छन । बजारमा वाईडबडीको चर्चा चुलिदै गर्दा पनि निगम तथा मन्त्रालयले केही नबोल्नुमा पक्कै पनि अनिमियतता भएको ठहर जोकोहीले पनि गर्न सक्छन ।
त्यसै त केही समय अगाडी प्रधानमन्त्री केपीशर्मा ओलीको डेन्जर जोनमा रहेका पर्यटन मन्त्री रविन्द्र अधिकारीले संचार माध्यममा आफुसँग सो ‘विमान खरिदको कागजपत्र नभएको’ बताउनु र भाडामा ल्याएको त होईन होला भन्नुले पनि विमान भाडामै ल्याएको स्पस्ट हुन आउँछ ।
वाईडबडी विमान निगमले खरिद गरेकै हो भने निगमले किन कागजपत्र सार्वजनिक गर्न सकेनन् । संचार माध्यममा वाईडबडीको चर्चा चलिरहँदा पनि मन्त्रीअधिकारीले किन केही बोल्न सकेनन् ।
निगमले पहिलो जहाज ल्याएको करिब ५ महिना तथा दोस्रो जहाज ल्याएको ४ महिना विति सक्दा समेत कुनै कागजपत्र सार्वजनिक नहुनुले पनि निगममा राम्रै आर्थिक चलखेल भएको हुनु पर्छ होईन भने खरिद गर्दाको कागजपत्र सार्वजनिक हुनु पर्ने विज्ञहरु बताउँछन ।
निगममा अनिमियतता भएको हुन सक्छ किन भने अहिले सम्म विमान खरिदको कागजपत्र हामीले पनि देख्न पाएका छैनौ निगमका एक उच्च अधिकारीले भने । ‘विमान नेपाल आईसके पछि नागरिक उड्डयन प्राधिकरणले के का आधारमा उडान अनुमति दियो हामीलाई थाहा छैन,’ ति अधिकारीले भने । ती अधिकारीका अनुसार छानविन पछि साँचिकै अनिमियतता भएकै हो भने धेरैले आफ्नो ठाउँबाट हात धुएर बस्नु पर्ने अवस्था नआउला भन्न सकिन्न ।
तर निगमका महाप्रवन्धक सुगतरत्न कंसाकारले भने वाईडबडी चर्चाको विषयमा अन्तरराष्ट्रिय कानून अनुसार विश्वमा उडिरहेको कुनै पनि विमानको स्वामित्व अति महत्वपूर्ण हुने र यसमा सरकारी स्वामित्वको निगम र राज्यको नियमन निकाय प्राधिकरणलाई संका गर्नु भनेको नेपाली समाजमा बढ्दै गइरहेको नकारात्मक सोच र हिनताको भावनाको एक उदाहरण भएको बताएका छन ।
२५ अर्ब तिरेर ल्याएको विमान भाडामा ल्याएको नभई खरिद प्रकृया पुरा गरेरै ल्याएको उनको दाबी रहेको छ । २५ अर्ब तिरेर जहाज ल्याउने भनेको कुनै केटाकेटीले खेल्ने खेल होईन कंसाकारले भने ।
साथै कंसाकारले खरिद प्रकृयामा भएको तथ्य बाहिर ल्याएका छन् । खरिद प्रकृयालाई अधिकतम प्रतिस्पर्धी बनाउने उद्देश्यबाट गरिएको र यसलाई निगमको आर्थिक विनियमावली, २०६५ को विनियम २३६–२ मा समेत समावेश गरिएको हुँदा विनियमावलीको व्यवस्था बमोजिम नै विमान खरिद गरेको उनले जानकारी दिए ।
गत २७ जनवरी २०१७ मा कस्टुमरको तर्फबाट एएआरक्रप र निगमबीच वाईडबडी एयरबस ए ३३०–२०० खरीद सम्झौता भएको थियो । खरीद हुने जहाजमा कस्टुमरको सामुहिक स्वामित्व हुन नसक्ने भए पछि कारोबारको लागि मात्रै स्पेसल प्रोसेस कम्पनी हाईल्फाई एक्स आईर्ल्याण्ड लिमिटेड र निगम बीच सम्झौता भएको निगमले जानकारी दिएको छ ।
निगमले दुईवटा वाईडवडी विमान ए ३३०–२०० खरीद गर्दा सार्वजनिक खरीद ऐन, २०६३ र नेपाल वायूसेवा निगम, आर्थिक विनियमावली, २०६५ बमोजिम विमान खरिद गरेको जानकारी दिएको छ ।
