काठमाडौं । निरन्तर वर्षाका कारण नेपालगञ्जबाट हुने हवाई सेवा आईतबारदेखि अवरुद्ध भएको छ ।
नेपालगञ्जबाट हुने पहाडी ईलाकाका सबै उडान अवरुद्ध रहेको नागरिक उड्डयन प्राधिकरणले जानकारी दिएको छ ।
त्रिभुवन अन्तरराष्ट्रिय विमानस्थलका प्रवक्ता प्रेमनाथ ठाकुरका अनुसार जूम्ला, डोल्पा, रामेछाप, फाप्लु, सिमिकोट, सुर्खेत तथा भोजपुर विमानस्थलमा भने विहान देखी नै हवाई सेवा अवरुद्ध भएको बताएका छन ।
नेपालगञ्जमा पानीको बहाव बढ्दै गए पछि विमानस्थलबाट हुने पहाडी ईलाकाका सबै उडानलाई स्थगित गर्नु परेको ठाकुरले बताए । मौसम क्लियर भए पछि मात्रै ति विमानस्थलहरुमा पुन उडान गर्न सक्ने छ उनले भने ।
विहान देखी नै हवाई सेवा अवरुद्ध रहेको पोखरा विमानस्थल र लुक्ला विमानस्थल भने सुचारु भईसकेको ठाकुरले जानकारी दिए ।
