ज्योत्सना श्रेष्ठ. प्रोप्राइटर, मेरीगोल्ड ज्वेलर्स ।
बिहान कति बजे उठ्नुहुन्छ ?
साढे ५ बजे उठ्छु ।
त्यसपछि ?
प्राय जीम जान्छु । धेरै चिसोको समयमा चाहीँ घरमै व्यायम गर्छु । त्यसपछि विहानको बाँकी समय छोरालाई दिन्छु ।
अफिस नि ?
११ बजे । दिनभर अफिसमै व्यस्त हुन्छु ।
मनोरञ्जनका लागि के गर्नुहुन्छ ?
मलाई प्राय सेन्टिमेन्टल गीत सुन्न मन पर्छ । त्यसपछि पुस्तक पढेर पनि मनोरञ्जन लिने गर्छु । कहिलेकाँही फिल्म हेर्न जान्छु ।
कस्ता फिल्म मन पर्छ ?
फिल्म त प्राय हिन्दी नै हेरिन्छ । त्यसमा पनि कमेडी बढी हेरिन्छ । तर, नेपाली फिल्म भने अहिलेसम्म हेरेको छैन । आगामी दिनमा हेर्ने योजना बनाएको छु ।
कति वटा देशको भ्रमण गर्नुभयो ?
झण्डै १ दर्जन देशको भ्रमण गरे ।
भ्रमण गरेकोमध्ये मनपर्ने ठाउँ ?
विदेशमा मौरिसस र बैंकक । नेपालमा पोखरा ।
ग्याजेट्स ?
आइफोन तथा सामसुङको नोट थ्री चलाउछु । त्यस्तै कम्प्युटर तथा ल्यापटपमा भने डेल नै ठिक लाग्छ ।
ड्रेस अप ?
आफुलाई सुहाँउदो लगाउँछु । यही व्राण्डको भन्ने छैन ।
घडी पनि लगाउनु भएको छ । यो कुन ब्राण्डको हो ?
घडीमा गुची र रोलेक्स मन पर्छ । तर कहिलेकाँही अन्य व्राण्डको पनि लगाउछु ।
नेपाली पोसाक कत्तिको लगाउनु हुन्छ ?
दैनिक जीवनमा त नेपाली पोसाक प्रयोग गर्दिन । तर, अन्तरराष्ट्रिय स्तरको कार्यक्रममा भने प्राय नेपाली कपडा लगाउँछु । त्यस्तै गहना पनि नेपाली डिजाइन कै लगाउछु ।
तपाईको आफ्नै गहना पसल छ, गहनामा त रुची होला नि ?
गहनामा एकदमै रुची छ ।
कस्तो गहना लगाउन मन पर्छ ?
म प्राय नेपाली गहना नै लगाउँछु । विशेषगरी विवाह, वर्थडेलगायतमा नेपाली डिजाइनका गहना लगाउछु । अन्य समयमा भने अन्तरराष्ट्रिय डिजाइनका गहना लगाउछु ।
तपाइलाई बाहिर सुन्दरी व्यवसायीका रुपमा चिन्छन् नि ?
हो र । म भन्दा सुन्दर व्यवसायी अरु पनि हुनुहुन्छ । तर, मान्छेको रुपभन्दा पनि मन सुन्दर हुनुपर्छ ।
व्यवसायिक योजनका लागि कस्तो पुस्तक पढ्नुहुन्छ ?
बिजनेशका लागि म प्राय आर्थिक समाचार पढछु । त्यस्तै कर सम्वन्धी विभिन्न पुस्तकहरु अध्ययन गर्छु ।
बजारमा जाँदा प्राय किन्ने सामग्री ?
मलाई जुत्ता तथा व्याग किन्ने गर्छु । अहिले जुत्ता र व्याग कलेक्सन गरिरहेको छु ।
नयाँ व्यवसायिक योजना केही छ कि ?
खासै त्यस्तो योजना त छैन । तर व्यवसायलाई विस्तार गर्नुका साथै आफ्ना उत्पादन निर्यात गर्ने तयारी गरिरहेको छु ।
नेपाली व्यवसायीका राम्रा पक्ष के हुन् ?
नेपालीहरु अरुको तुलनामा सोझो तथा असल हुन्छन् । नेपालीमा छलकपटको भावना छैन । त्यो नै उनीहरुको राम्रो पक्ष हो ।
नराम्रा पनि केही छन् कि ?
नेपाली व्यवसायीका राम्रा भन्दा नराम्रा पक्ष धेरै छन् । अरुको तुलनामा अल्छि छन् । नेपाली व्यवसायीलाई आफुले गरेको व्यवसायको नीति तथा नियमका बारे पनि जानकारी छैन । देखासिकी र हचुँवाको भरमा व्यवसाय सञ्चालन गर्नु नेपालीको नराम्रा पक्ष हुन् ।
मनपर्ने व्यवसायी ?
अम्बिका श्रेष्ठ र विके श्रेष्ठ ।
तपाँईको लक्ष्य के हो ?
एउटा राम्रो महिला व्यवसायी र असल नागरिक बन्ने मेरो लक्ष्य हो । जुन कुराबाट अरुलाई पनि जान्ने मौका मिलोस ।
