काठमाडौं । अमेरिकी राष्ट्रपति डोनाल्ड ट्रम्पले डिभी भिसा बन्द गर्ने घोषणा गरेका छन् । उनले डीभी भिसा बन्द गर्ने र पारिवारिक सदस्यलाई प्रायोजन गरी अमेरिका लैजान पाउने नीतिलाई कडाइ गर्ने घोषणा गरेका हुन् ।
ट्रम्पले हालै स्टेट अफ दि युनियनमा सम्बोधन गर्दै डीभी भिसा बन्द गरी योग्यता र क्षमताका आधारमा विदेशीलाई अमेरिकामा अवसर दिने नीति ल्याइने घोषणा गरेका छन् ।
यससँगै डीभी परेर अमेरिकी नागरिक बनिसकेका आप्रवासीहरुले आफ्नो परिवारको सदस्यलाई प्रायोजन गरेर लैजान समस्या हुने भएको छ ।
नयाँ नियम लागु भएसँगै अब श्रीमान र श्रीमती वा नाबालकलाई मात्र स्पोन्सर गरेर अमेरिका लैजान पाइने छ ।
ईडीभी भिसा प्राप्त गर्ने देशहरुको सूचीमा नेपाली पहिलो स्थानमा रहँदै आएका थिए । नेपालबाट बार्षिक करिव ४ हजार जना डिभी परेर अमेरिका जाने गरेका छन् । जवकी हरेक वर्ष विश्वका ५० हजारलाई डीभी पर्ने गरेको छ ।
त्यसो त अहिले पनि हजारौ नेपालीहरु सन् २०१९ को डीभी भिसा आवेदन गरी हजारौं नेपालीहरु नतिजाको पखाईमा छन् । ट्रम्प प्रशासनले अमेरिकी कंग्रेसमा डीभी चिठ्ठा प्रणाली बन्द गर्ने विधेयक पेस गरिसकेकाले विधेयक पारित भएमा डीभी भिसा आवेदन सधैंका लागि बन्द हुनेछ ।
ट्रम्पले डीभी परेर आउनेहरुलाई रद्दीको टोकरीमा फालिएका भन्दै आलोचना गरेका थिए ।
