काठमाडौं । नेपाली बलर सन्दिप लामिछानेले इन्डियन प्रिमियर लिग आइपिएल खेल्ने भएका छन् ।
आइपिएल क्रिकेट प्रतियोगिताका लागि लामिछानेलाई अक्सनमा दिल्ली डेयर डेभिल्सले २० लाख भारुमा खरिद गरेको हो । यससँगै आइपिएलमा खेल्ने पहिलो नेपाली खेलाडी बनेका छन् ।
५ सय ७८ जनाको अक्सन सूचीमा १७ बर्षिय लामिछाने २ सय ७८ नम्बरमा थिए ।
पहिलो चरणमा घोषणा गरिएका ११ खेलाडीको सूचीमा नपरेपनि उनीलगायत ९ खेलाडीलाई फ्रेन्चाइज टिमको विशेष आग्रहमा राखिएको थियो ।
दिल्लीको टिममा गौतम गम्भीर, ग्लेन म्याक्सवेल,ट्रेन्ट बोल्ट,पृथ्वी शाहलगायत छन् ।
