काठमाडौं । सोमबार प्रतिकूल मौसमका कारण आन्तरिक उडान प्रभावित भएका छन् । त्रिभुवन अन्तरराष्ट्रिय विमानस्थलबाट हुने विभिन्न गन्तव्यका आन्तरिक उडान प्रभावित भएको हो ।
कुइरो लागेका कारण भैरहवा, सिमरा, भद्रपुर र धनगढीको उडान रद्द गरिएको विमानस्थलले जानकारी दिएको छ ।
आज बुद्ध, यति, श्रीलगायतका एयरलाइन्सले उडान रद्द गरेको हो ।
विमानस्थलबाट आन्तरिकतर्फ दैनिक करिब पाँच हजार यात्रु आवतजावत गर्ने गरेका छन् ।
यता अन्तरराष्ट्रियतर्फ भने बढीमा आधाघण्टा आकाशमै होल्ड गरेर भएपनि नियमित उडान भइरहेको विमानस्थलले जनाएको छ ।
हाल ३० वटा वायुसेवा कम्पनीले अन्तर्राष्ट्रिय उडान भर्दै आएका छन् । आज काठमाडौँ उपत्यकाको न्यूनतम तापक्रम ४।६ १९ डिग्री सेल्सियस रहेको छ ।
