काठमाडौं । नेपाल स्टक एक्सचेञ्ज (नेप्से)मा भएको आगलागीका कारण सेयर कारोबार बन्द भएको छ । नेप्सेमा बुधबार राती भएको आगलागीले केही ठाउँमा क्षति पुगेका कारण अहिलेलाई सम्पूर्ण सर्भर नै डाउन गरेर राखिएको नेप्सेका प्रवक्ता मुरारी पराजुलीले बताए ।
नेप्सेमा हिजो राती घरायशी सेयर कारोबार गर्ने कोठा तथा स्टोर कोठामा आगलागी भएको थियो । जसका कारण केही थान कम्प्युटर र इन्टनेटका तारहरु जलेको थियो ।
हाल प्राविधिकहरुले सो मर्मत गरिरहेको र संचालनमा आउन अझै केही समय लाग्ने उनको भनाई छ । ‘हिजो राती विद्युत सट भएर आगलागी भएका कारण अहिले पनि स्पार्कले गर्दा अन्य स्थानमा क्षति नहोस भनेर सवै सर्भर डाउन गरेर राखिएको छ,’ उनले भने, ‘सो मर्मतकार्य सकिएसँगै नेप्सेको कारोबार खुल्नेछ । तर कहिलेदेखि खुल्छ भन्ने भन्न नसकिने समेत उनले जानकारी दिए ।
