काठमाडौं । आर्थिक बर्ष २०७३/ ७४ मा नेपालमा साढे १६ अर्ब अर्ब रुपैयाँ बराबरको विदेशी लगानीको प्रस्ताव आएको छ । गत आवमा उद्योग विभागले १६ अर्ब ८६ करोड रुपैयाँको विदेशी लगानीको प्रस्ताव स्वीकृत गरेको हो ।
५ सय ७ ओटा विदेशी लगानीका उद्योग दर्ता भएका हुन् । विशेषगरी पर्यटनमुलक उद्योगहरुमा बढी लगानीको प्रस्ताव आएका छन् । तर उद्योगको संख्या भने सेवामुलकमा बढी छ ।
सो अवधिमा १५७ ओटा सेवामुलक र १५२ ओटा पर्यटनमुलक उद्योग दर्ता भएका थिए । पर्यटनमुलक उद्योगमा सबैभन्दा बढी ६ अर्ब ५८ करोड रुपैयाँ बराबरको लगानीको प्रस्ताब आएको हो । त्यस्तै सेवामुलकमा ५ अर्ब ८३ करोड रुपैयाँ बराबरको लगानीको प्रस्ताब आएको विभागको तथ्यांकले देखाएको छ ।
ग्त आवमा साढे १ खर्ब रुपैयाँ बराबरको लगानीको प्रस्ताव आएको थियो । गत आवमा ५ सय ८ ओटा उद्योगमार्फत १ खर्ब ४४ अर्ब ९६ करोड रुपैयाँ लगानीको प्रस्ताव आएको हो ।
