घट्दो जन्मदर सुधार गर्न दक्षिण कोरियाको एक निर्माण कम्पनीले आफ्ना कर्मचारीलाई सन्तान जन्माउन प्रोत्साहन गर्न प्रति बच्चा ७५ हजार डलर अर्थात करिब १ करोड रुपैयाँ दिने घोषणा गरेको छ ।

काठमाडौं । दक्षिण कोरियाली एक कम्पनीले आफ्ना कर्मचारीलाई सन्तान जन्माएवापत नगद पुरस्कार दिने घोषणा गरेको छ । सियोलस्थित निर्माण कम्पनी बोयोङ ग्रुपले फेब्रुअरी ६ मा एक विज्ञप्तिमा यो प्रस्ताव महिला र पुरुष दुवैका लागि रहेको बताएको छ । सन २०२१ पछि ७० सन्तान जन्माउने कर्मचारीलाई कम्पनीले कुल ५२.५ लाख डलर (करिब १ करोड रुपैयाँ) दिनेछ ।

दक्षिण कोरियाली सञ्चारमाध्यमका अनुसार आफ्ना कर्मचारीहरूलाई सन्तान जन्माउन प्रोत्साहन गर्न यति ठूलो रकम छुट्याउने निर्णय दक्षिण कोरियाको कुनै पनि कम्पनी वा संस्थाका लागि यस प्रकारको पहिलो निर्णय हो । मिडिया रिपोर्टहरूका अनुसार, यो प्रस्तावले कर्मचारीहरूलाई सुरु गर्न र परिवार हुर्काउन मद्दत गर्ने कम्पनीको प्रतिबद्धतालाई पनि प्रतिबिम्बित गर्दछ ।

बुयोङ समूहका अध्यक्ष ली जुङ–केउनले बालबालिका हुर्काउने आर्थिक बोझ कम गर्न कम्पनीले आफ्ना कर्मचारीहरूलाई आर्थिक सहायता उपलब्ध गराएको बताए । उनले भने, ‘यदि कोरियाको जन्मदर कम रह्यो भने बीस वर्षमा देश लोप हुने खतरा छ । निम्न जन्मदरले आर्थिक बोझ र काम र पारिवारिक जीवनलाई सन्तुलनमा राख्न कठिनाई हुन्छ, त्यसैले हामीले यस्तो महत्त्वपूर्ण कदम चाल्ने निर्णय गरेका छौं,’ उनले भने ।

उनले भने कि तीन छोराछोरी भएका कर्मचारीहरूले २ लाख २५ हजार डलर नगद वा घर लिने विकल्प हुनेछ । उनले निर्माणका लागि सरकारले जग्गा उपलब्ध गराए तीन सन्तान भएका कर्मचारीलाई रेन्टल हाउस उपलब्ध गराउन पनि कम्पनी तयार रहेको बताए । बुयाङ समूहले धेरै सन्तान जन्माउनेलाई करमा छुट दिन पनि सरकारलाई आग्रह गरेको छ । कम्पनीको यो घोषणालाई कम्पनीका कर्मचारीहरुले स्वागत गरेका छन् । ‘म बच्चा हुर्काउनको लागि आर्थिक कठिनाइको बारेमा चिन्तित थिएँ, तर कम्पनीको सहयोगको कारण म अब अर्को बच्चा जन्माउने विचार गर्न सक्षम छु,’ जनवरीमा बुबा बनेका एक व्यक्तिले भने ।

दक्षिण कोरियामा जन्मदर संसारमा सबैभन्दा कम छ । सन् २०२२ मा दक्षिण कोरियामा प्रजनन दर ०.७८ थियो । यो गत वर्षमा अझै घट्ने सम्भावना छ । विकसित देशहरूमा सैद्धान्तिक रूपमा स्थिर जनसंख्या दर कायम गर्न, कम्तिमा २.१ को जन्मदर आवश्यक छ । दक्षिण कोरियाको केन्द्रीय र स्थानीय सरकारले घट्दो जन्मदरलाई उल्टाउन बच्चा जन्माउने सबैलाई नगद र अन्य सुविधा दिने विचार गरिरहेको छ । देशले सन् २००६ देखि जन्मदर बढाउन १६६ अर्ब डलर (२ खर्ब १९ अर्ब ७७ करोड नेपाली रुपैयाँ )भन्दा बढी खर्च गरिसकेको छ । तर, २०६७ मा जनसंख्या घटेर ३ करोड ९० लाख पुग्ने र औसत उमेर ६२ वर्ष पुग्ने प्रक्षेपण गरिएको छ । अनुवाद गरिएको