काठमाडौं । अब भारतीय दूतावासले पनि नेपालमा परियोजनामा २० करोड रुपैयाँसम्म लगानी गर्ने भएको छ । भारतीय विदेशमन्त्री एस जउशंकरको उपस्थितिमा बिहीबार बसेको नेपाल भारतबीचको संयुक्त बैठकमा हाई इम्प्याक्ट कम्युनिटी डेभलपमेन्ट प्रोजेक्ट (एचआईसीडीपी) कार्यान्वयन गर्ने सहमतिमा हस्ताक्षर भएको हो । यो सहमति अनुसार काठमाडौंस्थित भारतीय दूतावासले अब एउटै परियोजनामा २० करोडसम्म लगानी गर्न सक्ने छ।
यस्तै आजको संयुक्त बैठकमा नेपाल र भारतबीच दीर्घकालीन व्यापार विद्युत सम्झौतामा हस्ताक्षरसमेत भएको छ। यो सम्झौता अनुसार भने भारतले नेपालबाट १० वर्षमा १० हजार मेगावाट विद्युत खरिद गर्ने उल्लेख छ । यस्तै आजकै बैठकमा नेपाल एकेडेमी अफ साइन्स एन्ड टेक्नोलोजी र न्यू स्पेस इन्डिया लिमिटेडबीच पनि सम्झौता भएको छ ।
यो सम्झौताअन्तर्गत भने भारतले नेपालले बनाएको स्याटेलाइट प्रक्षेपणमा सहयोग गर्ने भउको छ । इस्तै भारतले नेपालको भूकम्प प्रभावित क्षेत्रको पुनर्निर्माणका लागि नेपाललाई १० अर्ब रुपैयाँ नेपाली अनुदान सहयोग गर्ने समेत सहमतिपत्रमा हस्ताक्षर गरेको छ ।
