काठमाडौं । नेपाल स्टक एक्सचेन्ज (नेप्से)ले भर्चुअल ट्रेड म्यानेजमेन्ट सिस्टम (सिमुलेटर) संचालनमा ल्याएको छ । नेप्सेले धितोपत्रको दोस्रो बजारमा सम्भावित लगानीकर्तालाई प्रविधिमा अभ्यस्त बनाउन र उक्त प्रणाली संचालनमा ल्याएको हो । उक्त प्रणालीले दोस्रो बजारका नयाँ लगानीकर्तालाई नेप्सेको अनलाइन प्रणालीमा कारोबार हुने तरिकाबारे जानकारी दिनेछ । यस्तै यसलाई नेप्सेले व्यवहारिक ज्ञान प्रदान गर्ने शैक्षिक प्रयोजनका लागि संचालनमा ल्याएको बताएको छ ।

प्रयोगकर्ताले यो प्रणालीमा प्रवेश गरी खरिद वा विक्री आदेश राखेपछि प्रणालीले नै प्रतिआदेश कारोबार सम्पन्न गराउने नेप्सेले जानकारी दिएको छ । हाल परीक्षणका लागि संचालनमा ल्याईएको उक्त प्रणाली चाँडै फुल भर्जनमा सार्वजनिक गरिने बताईएको छ ।