काठमाडौं । रिभर फल्स पावरले बैशाख २८ गते देखि सर्वसाधारणलाई आईपिओ जारी गर्ने भएको छ । कम्पनीले २७ लाख ३० हजार कित्ता सेयर सर्वसाधारणलका लागि भन्दै निष्काशन गर्न लागेको हो ।
जसमध्ये ५४ हजार ६ सय कित्ता सेयर कम्पनीको कर्मचारीको लागि छुट्याईएको छ भने १ लाख ३६ हजार ५ सय कित्ता सेयर सामुहिक लगानी कोषहरुको लागि छुट्याईएको छ । बांकी रहेको २५ लाख ३८ हजार ९ सय कित्ताको लागि सर्वसाधारणले आवेदन दिन सक्ने छन् ।
आवेदन दिंदा न्युनतम १० कित्ता आर अधिकतम १ लाख कित्ता शेयरको लागि आवेदन दिन सकिने छ । लगानीकर्ताले जेठ ४ गतेसम्म आवेदन दिन सक्ने छन् । । शेयर निष्काशनको लागि प्रभु क्यापिटल बिक्रि प्रबन्धक रहेको छ ।
