काठमाडौं । विश्वकै सबैभन्दा धनी एलन मस्कको सम्पत्तिमा एकैदिन १० अर्ब डलरले बढेको छ । ब्लूमबर्ग बिलिनियर्स इन्डेक्सका अनुसार आइतबार मस्कको सम्पत्तिमा ९.७९ अर्ब डलरले बढेपछि उनको अहिलेको कुल सम्पत्ति ३०२ अर्ब डलर पुगेको हो ।
टेस्ला कम्पनिका प्रमुख मस्क दोस्रो स्थानमा रहेका अमेजनका प्रमुख जेफ बेजोसभन्दा सय अर्ब डलरले अगाडी रहेका छन् । बेजोसको कुल सम्पत्ति १९९ अर्ब डलर रहेको छ ।
यस सूचीमा तेस्रो स्थानमा रहेका बर्नाड आरनल्टको कुल सम्पत्ति १६८ अर्ब डलर रहेको छ । त्यस्तै यस सूचीमा विगतमा लामो समयसम्म शिर्ष स्थानमा रहेका विल गेट्सको सम्पत्ति १३५ अर्ब डलर रहेको छ भने लेरी पेजको १२९ अर्ब डलर, सर्जी ब्रिनको १२५ अर्ब डलर, मार्क जुकरबर्गको ११८ अर्ब डलर रहेको छ ।
त्यसैगरि पछिल्लो अपडेट अनुसार स्टीव बाल्मरको ११६ अर्ब डलर, लेरी एल्लिसनको ११५ अर्ब डलर, वारेन बफेटको १०५ अर्ब डलर कुल सम्पत्ति रहेको छ ।–एजेन्सी
