काठमाडौं । मानव अंग प्रत्यारोपण केन्द्रमा विभिन्न १ सय ७० जनालाई रोजगारको अवसर जुरेको छ । केन्द्रले विभिन्न क्षेत्रमा पदपुर्ती गर्नका लागि लोकसेवामार्फत उक्त संख्यामा कर्मचारी आह्वान गरेको हो ।
केन्द्रले एनेस्थीयोलोजिस्ट देखि ईलेक्ट्रसियनसम्मको पदमा आवेदन मागेको हो । केन्द्रका अनुसार स्टाफ नर्स र नर्सिङ पदका लागि मात्रै ८७ जना माग गरिएको छ । ल्याव टेक्नोलोजिस्ट, फर्मासीस्ट, बायोमेडिकल ईन्जिनियर लगायत विभिन्न २९ पदमा आवेदन खोलेको केन्द्रले जानकारी दिएको छ ।
जसमा आवेदन दिनका लागि आवेदकले सम्बन्धित विषयको अध्यापन गर्नुका साथै केही हदसम्म अनुभव समेत भएको हुनुपर्नेछ । केन्द्रले खोलेको आवेदनको म्याद भने आगामी जेठ ३ गतेसम्म र दोब्बर दस्तुर तिरी १० गतेसम्म आवेदन दिन सकिने जानकारी दिएको छ । उक्त पदहरुका लागि १८ बर्ष पुरा भई ३५ बर्ष ननाघेको हुनुपर्ने पनि केन्द्रले जानकारी दिएको छ
