बिजखबर संवाददाता
२६ चैत, काठमाडौं । आईएमईले नयाँ वर्ष २०७२ लाई लक्षित गरी ‘आईएमई ३ दिन खुशीका’ नामक सेवाग्राहीमूखि प्रवद्र्धनात्मक कार्यक्रम ल्याउने भएको छ । कम्पनीले यही चैत ३० देखि २०७२ वैशाखसम्म सो कार्यक्राम संचालनमा ल्याउने भएको छ ।
सोही अवसरमा कम्नपीले सम्पूर्ण सेवाग्राही र शुभचिन्तक सबैैमा सुस्वास्थ्य एवम् उतरोत्तर प्रगतिको कामना गर्दै नयाँ बर्षको क्यालेण्डर सहितका केहि प्रवद्र्धनात्मक समाग्रीहरू देशभर रहेका एजेन्ट प्रतिनिधिमार्फत् सेवाग्राहीलाई उपलब्ध गराउने बताएको छ ।
आफनो स्थापनाकाल देखिनै रेमिटेन्स सेवालाई प्रत्येक नेपालीको पहँुचसम्म पुर्याउन प्रतिबद्व आईएमई वैदेशिक रोजगारीमा गएका नेपालीहरुले पठाएको रेमिटेन्स रकमको परिमाणका आधारमा नेपालको नम्बर १ रेमिटेन्स कम्पनीको रुपमा स्थापित छ ।
सेवा शुभारम्भको १४औं वर्षसम्ममा नेपाल प्रमुख शहर तथा शहरोन्मुख ग्रामिण क्षेत्र समेतलाई समेट्ने गरी ७५ जिल्लाका ३ हजार २ भन्दा बढी एजेन्ट/सब–एजेन्ट रहेका छन् । यसैगरी, १ सय १० आईएमई सेन्टर र विभिन्न बैङ्क तथा वित्तीय संस्थाका शाखामार्फत् विदेशमा कार्यरत नेपालीहरुले दुख गरि कमाएको रकम देशका विभिन्न भूगोलमा रहेका आफन्तको हातमा छिटो, छरितो र सुरक्षित तवरबाट वितरण गर्दै आईरहेको छ ।
