बिजखबर संवाददाता
७ चैत,काठमाडौं । विमानस्थल हवाई यात्रु यातायात सेवा व्यवस्था लिमिटेडको तेस्रो वार्षिक साधारण सभा सम्पन्न भएको छ । शनिवार एक कार्यक्रमविच भौतिक तथा यातायात मन्त्रालयका सचिवले सो सभाको उद्दघाटन गरे ।
कार्यक्रममा कम्पनीका प्रवन्ध निर्देशक पुरुषोत्तम सिंखडाले कम्पनीको स्थापना पश्चात हवाई यात्रुहरुलाई सहज भएको बताए । ‘विगतमा हवाई यात्रुहरुको लागि सत्कार गर्ने कम्पनीको अभाव रहेको थियो’ उनले भने अहिले यातायात सेवामा यस्तो समस्या भोग्नुपरेको छैन । ’ विमानस्थलमा आवतजावत गर्ने यात्रुहरुले भोगेका यातायात समस्यालाई मध्यनजर गर्दै कम्पनीको स्थापना गरेको उनले जानकारी दिए ।
ती यात्रुहरुलाई व्यवस्थित तथा गुणस्तरिय यातायात सेवा पुरयाउने उद्देश्यका साथ कम्पनी स्थापना भएको सिंखडाले जानकारी दिए ।
२०६६ सालमा पुराना गाडी हटाएर नयाँ ल्याउने क्रममा कम्पनिको स्थापना भएको थियो । स्थापना पछि विमानस्थलको अव्यवस्थित यातायात सेवा व्यवस्थित बनाएको सेवाग्राहीहरुले समेत प्रतिक्रया दिएका छन् ।
आगामी दिनमा नमुना यातायात सेवा प्रदान गर्ने कम्पनीको रुपमा विकास गर्ने बताइएको छ ।
