काठमाडौं । लगानी बोर्डले लगानी सम्मेलनमार्फत आएका लगानी सम्बन्धी आशयपत्रको मूल्याङ्कन तथा व्यापार योजना विकासका लागि विज्ञको सूची तयार पार्ने भएको छ । सम्मेलमा आएको लगानी सम्बन्धी प्रस्तावको परियोजना निर्माण, प्रस्तावको तयारी तथा सोको मूल्याङ्कनलगायतका काम गर्नका लागि क्षेत्रगत रुपमा विज्ञहरुको सूची तयार गर्न लागेको हो ।
विज्ञहरुको सूची तयार पार्नका लागि बोर्डले सूचना समेत प्रकाशित गरेको छ । जस अन्तरगत बोर्डले सिभिल इन्जिनीयरदेखि हाइड्रोपावर इन्जिनीयरसम्मको माग गरेको छ । जसमा जलविद्युत, पूर्वाधार, फोहोर व्यवस्थापन, एभिएशन, पर्यटन तथा उद्योग क्षेत्रको दक्ष तथा विज्ञहरुको माग गरिएको छ । उनीहरुले सो कार्य गर्नका लागि बोर्डको रोष्टरमा सूचीकृत हुनुपर्ने छ ।
रोष्टरमा सूचिकृत हुनका लागि सम्बन्धित क्षेत्रमा स्नातकोत्तर गरी १० बर्षको अनुभव भएका व्यक्तिहरुले मात्र आवेदन दिन सक्नेछन् । यसैगरी संस्थाको हकमा १० बर्षको विषयतग अनुभव भएकाहरुले संस्थागत विवरण, कार्यरत कर्मचारीलगातको विषय उल्लेख गरी आवेदन दिन पर्नेछ ।
