काठमाडौं । आगामी जेठ १५ मा बजेट नआउने भएको छ । निर्वाचन आयोगले जेठ १५ मा बजेट ल्याउन रोकेपछि नआउने पक्का भएको हो ।
दुई चरणको निर्वाचनको बीचमा सरकारको नीति तथा कार्यक्रम र बजेट ल्याउनु आचार संहिता विपरित हुने आयोगको ठहर छ । आयोगको शनिबार बसेको बैठकले निर्वाचनको बीचमा बजेट ल्याउँदा आचार संहिता अनुकुल नहुने भन्दै त्यसतर्फ सरकारको ध्यानाकर्षण गराएको हो ।
एक महिनाको अन्तरालमा हुने दुई चरणको निर्वाचनका बीच सरकारको नीति तथा कार्यक्रम र बजेट ल्याउनु निर्वाचन आचार संहिता अनुकुल नभएको आयोगको भनाई छ ।
साथै दोस्रो चरणको निर्वाचनलाई प्रभावित पार्न सक्ने देखिएको हुँदा सरकारको ध्यानाकर्षण गन लागेको हो । फागुन १८ गतेदेखि लागू आचार संहिता दोस्रो चरणको निर्वाचनसम्म यथावत रहने आयोगले जनाएको छ ।
सरकारले बैशाख ३१ र जेठ ३१ मा दुई चरणमा स्थानीय तह निर्वाचन गर्ने निर्णय गरेको छ ।
