काठमाडौं । विश्व बैंक अन्तर्गतको अन्तरराष्ट्रिय विकास संघ (आइडीए)ले गरिव मुलुकहरुका लागि भन्दै ९३ अर्ब डलर बराबरको पुनरुत्थान कोष खडा गरेको छ । संघले कोरोना महामारीले तहसनहस पारेको अर्थतन्त्र पुनः लयमा फर्काउन, लचिलो बनाउन, हरियालीलाई जोगाउन र गरिव देशहरुको भविष्य निर्माण गर्न उक्त कोष खडा गरेको हो ।
उक्त कोषमार्फत तत्काल अतिकम र मध्यम आय भएका ४८ देशलाई एकैचोटी पूँजीबजार, पुनर्भुक्तानी र विश्व बैंक स्वयंबाट गरेर २३ अर्ब ५० करोड डलर योगदान गरिने छ ।
उक्त कोषको जापानले आयोजना गरेको २ दिने बैठकमा घोषणा गरिएको हो । जापान उक्त कोषका लागि आवश्यक रकमको सबैभन्दा ठुलो दाता हो । आईडीएको ईतीहासमा यो हालसम्मकै ठुलो दान पनि हो । दाताले दिएको १ डलर बराबर ४ डलर आईडीएले विश्वका गरिव मुलुकहरुमा प्रवाह गर्ने गरेको छ ।
उक्त कोष विश्वका ७४ अति गरिब मुलुकहरुका लागि प्रयोग हुनेछ । आइडीएको २० औं पुनरुत्थान प्याकेजमार्फत गरिव देशमा कोरोनापछिको अर्थतन्त्र उकास्नका लागि उक्त कोषमार्फत रकम उपलब्ध गराईने भएको हो ।
केहि गरिव राष्ट्रहरुमा कोरोनाकै कारण सरकारी राजश्वमा गिरावट आउनुका लागि अर्थतन्त्रका प्राय सबै सूचकहरु ओरालो लागिरहेको अवस्था छ । यो कोषले गरिव राष्ट्रहरुका यस्ता समस्यालाई समाधान गर्ने बताईएको छ ।
आइडीएको उक्त कोषमार्फतको सबैभन्दा बढि रकम भने अफ्रिकाले पाउने बताईएको छ । उक्त कोषमार्फतको ७० प्रतिशत बढि रकम अफ्रिकाका विभिन्न देशमा परिचालन हुनेछ ।
