काठमाडौं । सरकारले नेपाल औषधी लिमिटेड पुन संचालनमा ल्याउने भएको छ । आइतवार बसेको मन्त्रिपरिषदको बैठकले यस्तो निणर्य गरेको हो ।
सरकारले नेपाल औषधी लिमिटेडलाई अन्तरराष्ट्रिय मापदण्ड अनुसार संचालन गर्नका लागि हाललाई सरकारले १४ करोड ६५ लाख रुपैयाँ ऋण स्वरुप लगानी गर्न लागेको बताइएको छ ।
निणर्यअनुसार पहिलो चरणमा सो उद्योगले सरकारले अत्यावश्यकीय सूचिमा राखेको ४८ प्रकारका औषधी उत्पादन गर्ने उद्योग मन्त्री नवीन्द्रराज जोशीले जानकारी दिए । सो उद्योगबाट उत्पादित औषधी स्वयम सरकारले खरीद गर्ने भएकोले बजारको समस्या नरहने र ऋण पनि समयमै तिर्न सक्ने मन्त्रीको भनाई छ ।
त्यस्तै पर्याप्त ऋण रकम आवश्यकता अनुसार कम्पनीको अन्तरराष्ट्रिय स्तरको भौतिक संरचना एवं मेसिन उपकरण खरीदमा खर्च गरिने छ । उद्योगलाई खुला प्रतिशपर्धाबाट विज्ञहरुको छनौट गरी निश्चित अवधी तोकी व्यवस्थापन करार मार्फत संचालन गरिने मन्त्रि परिषदको निणर्य छ ।
हाल उद्योगमा ८७ जना कर्मचारी छन् । स्वेच्छिक अवकास मार्फत कम गरी आवशयक पर्ने १९ जना विज्ञ थप गर्ने बताइएको छ ।
