बिजखबर संबाददाता
२९ असार,काठमाडौं । सरकारले आर्थिक बर्ष २०७२\ ७३ का लागि जलविद्युत, प्रसारण र वितरणमा ४५ अर्ब ७२ करोड र बैकल्पिक उर्जामा रु ५ अर्व ४९ करोड छुट्याएको छ ।
सरकारी क्षेत्रबाट निर्माणाधीन सबै जलविद्युत आयोजनाहरु निश्चित समयमा सम्पन्न गर्ने गरी निर्माण कार्यलाई तिव्रता दिइने अर्थमन्त्री डा. रामशरण महतले बताए । साथै बहुउद्देश्यीय र जलाशययुक्त विद्युत आयोजनाहरुको पहिचान,अध्ययन, तथा विकासलाई प्राथमिकता दिइने अर्थमन्त्री महतले बताए ।
यसका लागि कर्णाली चिसापानी जौमुरे,सुनकोशबी, माथिल्लो अरुण,आँधीखोला,उत्तरगंगा आयोजनाहरुको अध्ययन कार्य प्राथमिकताका साथ अघि बढाइनेछ ।
त्यसैगरी निर्यातमुलक ८ सय मेगावाट क्षमताको तामाकोशी तेस्रो र ४ सय मेगावाट क्षमताकाृ मस्र्यादी जलविद्युत आयोजना निर्माणका लागि वार्ता प्रक्रिया अगाडी आगामी बर्ष गरिने छ । विप्रेषणलाई उत्पादनशील क्षेत्र र पूँजी निर्माणमा उपयोग गर्न ‘रेमिट हाइड्रो’ अवधारणा अन्तर्गत विकास कार्य अघि बढाइने बताइएको छ ।
उत्पादिन विद्युत राष्ट्रिय प्रशारण लाइनमा जोड्न प्रसारण लाइन निर्माणमा रहेको जग्गा प्राप्ति र रुख कटानको समस्यालाई समन्वयात्मक ढंगबाट गरी प्रसारण लाइन निर्माण गरिने छ । प्रसारण लाइनका लागि १२ अर्व ६३ करोड छुट्याइएको । राष्ट्रिय तथा अन्तराष्ट्रिय विद्युत व्यापारको लागि विद्युत व्यापार कम्पनी स्थापना गरिने ।
भूकम्पले घर पूर्ण रुपमा क्षति भएका परिवारलाई बत्ती बाल्न तथा मोवाइल चार्ज गर्न सौर्य बत्ती उपलब्ध गराइने भएको छ । साथै भूकम्प प्रभावित जिल्लाहरुका परिवारका लागि तत्काल राहत स्वरुप पोर्टेवल मेटालिक रकेट स्टोभ जडान गरिदिने महतल बताएका छन् । सो कार्यका लागि ४ अर्ब ८५ करोड लाग्ने उनले बताए ।
