काठमाडौं । मोवाइल पारखीका लागि एप्पल कम्पनीका मोवाइल सर्वाधिक लोकप्रिय रहेका छन् । नेपालमा पनि एप्पलको मोवाइलको विक्रि राम्रो रहेको छ ।
नेपाली उपभोक्तालाई आकर्षित गर्ने उद्देश्यले एप्पलको आधिकारिक वितरक जेनेरेसन नेक्स्ट कम्युनिकेसनले मंगलबार ‘आइफोन एसई’ २०२० सार्वजनिक गरेको छ ।
आइफोन एसइ २०२० , ६४, १२८ र २५६ जीबीमा उपलब्ध छ । आइफोन एसई कालो, सेतो र रातो रङमा नेपाली बजारमा उपलब्ध छ ।
एसई ६४ जीबीको ७० हजार रुपैयाँ, १२८ जीबीको ७५ हजार रुपैयाँ र २५६ जीबीको ९६ हजार रुपैयाँ मूल्य रहेको कम्पनीले जनाएको छ ।
ग्राहकलाई आधिकारिक च्यानलबाट मात्र एप्पलका उत्पादन खरिद गरी १ वर्षको वारेन्टी लिन कम्पनीको अनुरोध छ ।
