काठमाडौं । नेपाल गुणस्तर तथा नापतौल विभागले भारतमा उत्पादित १४ वस्तुमा नेपाल गुणस्तर चिन्ह (एनएस) प्रदान गरेको छ ।
भारतले लामो समय देखि नेपालमा उत्पादित वस्तु तथा उद्योगलाई भारतीय गुणस्तर चिन्ह (आइएसआई) प्रदान गरे पनि नेपालले भने यस वर्ष देखि (आइएसआई) चिन्ह प्रदान गरेको छ ।
स्टार सिमेन्ट, जेपी रेवा प्लान्ट, क्यालकम सिमेन्ट, सलुजा स्टिल, टाटा स्टिल लगायतका १४ उत्पादित वस्तु तथा उद्योगलाई (आइएसआई) चिन्ह प्रदान गरेको हो ।
विभागका महानिर्देशक विश्वबाबु पुडासैनिका अनुसार भारतले नेपालका ४४ उद्योगलाई (आइएसआई) चिन्ह प्रदान गरे पनि नेपालले भने भारतीय १४ वस्तु तथा उद्योगलाई मात्र (एनएस) चिन्ह प्रदान गरेको बताएको छ । प्रकृया पुर्याएर (एनएस) चिन्ह लिने भारतीय कम्पनीलाई हामीले चिन्ह प्रदान गर्दै आएका छौँ पुडासैनीले भने ।
भारतमा उत्पादित वस्तु तथा उद्योगलाई (एनएस) चिन्ह प्रदान गरे पछि भारतमा उत्पादित वस्तुको गुणस्तर के कति छ भनेर जाँच्न सजिलो हुने तथा अनुगमनमा सहजता हुने बताए ।
उद्योगमन्त्री नवीन्द्रराज जोशीका समयमा नेपालले भारतीय वस्तु तथा उद्योगलाई (एनएस) चिन्ह प्रदान गर्नु पर्ने निर्णयनुसार विभागले भारतीय वस्तु तथा उद्योगलाई (एनएस) चिन्ह दिन थालेको हो ।
विभागले चिनियाँ रेगुलेटर कम्पनी निग्वो सुआई छिनलाई समेत (एनएस) चिन्ह प्रदान गरेको छ । रासस
