बिजखबर संवाददाता
२२ माघ, काठमाडौं । उद्योगमन्त्री महेश बस्नेतले आर्थिक, सामाजिक रुपान्तरण तथा उद्योगको विकास विना अबको क्रान्ति सम्भव नहुने बताए । बिहीवार उद्यमशीलता विकास तालीमको समापन कार्यक्रमलाई सम्बोधन गदैँ मन्त्री बस्नेतले क्रान्तिको परिभाषा परिवर्तन भएको बताए ।
‘क्रान्ति राजनीतिक परिवर्तन मात्र होइन, अबको क्रान्ति आर्थिक, सामाजिक रुपान्तरण विना सम्भव छैन ।
वर्तमान समाजको क्रान्ति भनेको व्यापक रुपमा रोजगारी र उद्यमशीलता हो’ उनले भने ।
उद्योगमन्त्री बस्नेतले नेपाली समाजमा औद्योगिक चेतनाको कमी रहेको जानकारी दिए । साथै वर्तमान शिक्षा प्रणाली उद्योगी र उद्यमी उत्पादन भन्दा कारिन्दा उत्पादन गर्ने दिशा तर्फ उन्मुख रहेको विचार व्यक्त गरे ।
