काठमाडौं । आइएमई लाइफ इन्स्योरेन्स कम्पनी लिमिटेडको सीईओमा कबि फुयाल पुनः नियुक्त भएका छन् । फुयाल २०७७ साल भदौ ७ गते उक्त कम्पनीको सीईओ नियुक्त भएका थिए ।
कम्पनी सञ्चालक समितिको बैठकले सीईओमा फुयाललाई आगामी चार वर्षको लागि पुनः नियुक्त गर्ने निर्णय गरेको हो ।
फुयाललाई दोस्रो कार्यकालका लागि सीईओ नियुक्त गर्ने निर्णयलाई स्वीकृतीको नेपाल बीमा प्राधिकरणमा पठाएको कम्पनीले जनाएको छ ।
