बिजखबर संवाददात
१५ पुस, काठमाडौं । विश्व बैंकले नेपालको सौर्य उर्जा विकासका लागि १३ करोड अमेरिकन डलर दिने भएको छ । विश्व बैंकले भर्खरै मात्र यस्तो निर्णय गरेको समाचार एजेन्सीहरुले जनाएका छन् । उक्त निर्णयसँगै नेपालमा देखिएको उर्जा संकट हटाउन सहयोग पुग्नुका साथै आर्थिक विकासमा समेत सहयोग पुग्नेछ ।
विश्व बैंकले प्रदान गरेको उक्त ऋण मार्फत नेपालमा २५ मेगावट सौय उर्जा उत्पादन गर्नुका साथै त्यसका लागि आवश्यक ग्रीड समेत बनाइने छ । उक्त ऋण सौर्य उर्जाको प्लान, डिजाइन, निर्माण, मर्मत तथा सप्लाईजस्ता विषयमा खर्च हुनेछ ।
उक्त सोलार प्लाण्टबाट उत्पादित विजुलीलाई सोझै नेपाल विद्युत् प्राधिकरणको ग्रीडमा जोडिनेछ । साथै, उक्त ऋणलाई दशेमा भइरहेको विद्युत् चुहावट रोक्नका लागि नेपाल विद्युत्प्राधिकरणको वितरण केन्द्र मार्फत पनि परिचालन गर्न सकिने छ ।
पहिलो सम्झौता अनुसार ऋणको अवघि ३८ वर्षको हुनेछ । तर, उक्त ऋणको अवघिलाई थप ६ वर्ष लम्व्याउन सकिने समेत उल्लेख ।
विश्व बैंक र नेपाल विद्युत् प्राधिकरणबीच भएको उक्त सम्झौताले दिर्घकालिन रुपमा नेपालको आर्थिक विकासको लागि कोशेढुङ्गा सावित हुने विश्व बैंकको नेपालका लागि कन्ट्री म्यानेजर टाकुया कमाटाले बताए । साथै, उक्त ऋणले सौय उर्जा उत्पादनमा सहयोग गर्ने मात्र नभई विद्युत् चुहावटमा देखिएको समस्यालाई समेत सहयोग गर्ने हुँदा यसले दिर्घकालिन रुपमा ठूलो सहयोग पु¥याउने उनको दावी छ ।
