बिजखबर संवाददाता
८ पुस, काठमाडौं । सरकारले भैरहवा विशेष आर्थिक क्षेत्रमा उद्योग स्थापनाका लागि आसयपत्र आह्वान गर्ने निर्णय गरेको छ । विशेष आर्थिक क्षेत्र विकास समिति (सेज)को बोर्ड बैठकले उक्त निर्ण गरेको हो ।
यसैगरी, सोमबार उद्योग मन्त्रालयका सचिव उत्तमकुमार भट्टराईको अध्यक्षतामा बसेको उक्त बैठकले सेजको कार्यकारी निर्देशकको नियुक्ति प्रक्रिया अगाडी बढाउने निर्णय गरेको छ । सेजलाई यथासक्दो छिटो संचालनमा ल्याउनका लागि कार्यकारी निर्देशक नियुक्ति तथा आसयपत्र आब्हान गरिएको मन्त्रालायले बताएको छ ।
साथै, भैरहवा सेजमा स्वच्छ र पारदर्शी रुपमा उद्योग स्थापनाका लागि इ–विडिङ प्रक्रिया मार्फत मनसायपत्र आह्वान गरिने भएको छ ।
