काठमाडौँ । नेपाल राष्ट्र बैंकबाट भुक्तानीका लागि अनुमति प्राप्त मोबाइल वालेट कम्पनी डिजी पे प्रालिले आफूले प्रदान गर्ने सेवा तथा सुविधाबारे जानकारी गराएको छ । आइतबार पत्रकार सम्मेलन गरी डिजी पेले डिजिटल तथा नगद दुवैमा कारोबार गर्न मिल्ने सुविधा साथै फिनटेक इन्डस्ट्रीमा नै पहिलोपटक व्यावसायिक प्रवर्द्धनका लागि फ्रान्चाइजीको अवधारणा लिएर आएको जनाएको हो ।
डिजी पे माव्यवसायीहरूले न्यूनतम लगानी गरी एक वर्षभित्रै प्रतिफल प्राप्त गर्नुका साथै प्राविधिक दक्षताबिना आबद्ध हुनसक्ने जनाएको छ । स्थानीय व्यवसाय साझेदार आबद्ध योजनामार्फत विभिन्न व्यवसायीहरूसँग फ्रान्चाइजीको सहकार्य गरेको र थप विस्तारका लागि अन्य फ्रान्चाइजीहरु समेत आह्वान गरिरहेको डिजी पेले जानकारी दिएको छ ।
फ्रान्चाइजीहरू लेडिजी पे सँगको सहकार्यबाट कम्पनीले प्रदान गरेको लक्ष्य पुरा भएको अवस्थामा प्रतिमहिना रु.४ लाखदेखि ५ लाख रुपैयाँसम्म कमाउन सक्ने डिजी पेका अध्यक्ष दिवाकर बहादुर पाण्डेले बताए ।
डिजी पेमा व्यवसायीहरूले निःशुल्क आबद्ध भई विभिन्न सेवा तथा फाइदाहरू प्राप्त गरी बजार विस्तार र प्रचारप्रसारबाट उच्च मुनाफाआर्जन गर्न सक्ने जनाइएको छ । आबद्ध हुँदा रु.५०० टपअप र सेवा शुल्कमा छुट, टेलिभिजन र दैनिक पत्रिकामार्फत विज्ञापन, स्टार हस्पिटलको रु.८२५ को दुई वटा ओ.पी.डी. टिकट साथै बेड तथा स्वास्थ्य परीक्षणमा विभिन्न छुट तथा अन्य सेवाहरू प्राप्त गर्नसक्ने कम्पनीले जनाइएको छ ।
