काठमाडौं । नेशनल लाइफ इन्स्योरेन्स कम्पनी लिमिटेडका ग्राहकहरुले आफ्नो बीमा प्रिमियम अनलाइनबाट तिर्न सक्ने भएका छन् । खल्ती डिजिटल वालेटबाट बीमा प्रिमियम गर्न सकिने भएको हो । साथै खल्तीबाठ बीमा प्रिमियम भुक्तानी गर्दा १० प्रतिशत क्यासब्याक पनि पाइने कम्पनीले जानकारी दिएको छ ।

समय सीमाको कारणले जरिवाना तिर्ने वा कार्यालय जान समय निकाल्ने पर्ने स्थितिको विचार पुर्याउदै ल्याइएको यो सेवाले तुरुन्तै बिल भुक्तानीलाई सजिलो बनाउने छ। प्रयोगकर्ताले १०% क्यास्ब्याक (रू.१०० सम्म) पाउनका लागि प्रोमोकोड NATIONAL100 प्रयोग गरि प्राप्त गर्नसक्नेछन्।

नेशनल लाइफ इन्स्योरेन्स कम्पनीको नविकरण बीमा शुल्क ‘खल्ती’ बाट यस प्रकार तिर्न सकिन्छ:

• ‘खल्ती’ एप लग-इन गरि “इन्स्योरेन्स” आइकन मा ट्याप गर्ने
• “नेशनल लाइफ इन्स्योरेन्स” सेलेक्ट गर्ने
• “DOB” र “Policy Number ” भर्नुहोस् र विवरणहरू प्राप्त गर्न ट्याप गर्नुहोस्
• अब सम्पुर्ण विवरण दाखिला गरि “प्रोसिड टु पे” मा क्लिक गर्ने

रु. ५००० माथिको नविकरण बीमा शुल्क भुक्तानी गर्नुपरेमा ग्राहकले आफ्नो ‘खल्ती’ केवाईसि भने अनिवार्य रुपमा भेरीफाई गराएको हुनु पर्नेछ।