काठमाडौं । १० वर्ष अघिसम्म आयातित र पुरानो प्रविधिमाआधारित जिआइपाइपले धानेको नेपालको पाइपिङ उध्योगले आजको दिन सम्म उल्लेखनीय प्रगती गरिसकेको छ, र यस यात्रामा मंगलम पाइप्सको नाम अग्रपंक्तिमा आउँछ । सन् २००९ मा स्थापना भई पिभिसि पाइपको उत्पादनबाट आफ्नो औध्योगिक यात्रा शुभारम्भ गरेको मंगलमले शुरुवात देखि नै नेपाली बजारमा अन्तर–राष्ट्रिय गुणस्तरको उत्पादनहरु प्रदानगर्दै आइरहेको छ ।

देशमा आवश्यक निर्माण सामाग्री खास गरी पाइप्स र फिटिङ्स्, देशमै उत्पादन गर्न सफल हुनुलाई उद्योगको उल्लेखनीय उपलब्धिको रुपमा लिन सकिन्छ । त्यस्तै गरी स्थानीय रोजगारी र वातावरण मैत्री उत्पादन प्रकृयालाई पनि मंगलमले आफ्नो प्राथमिकतामा राखेको छ ।

मंगलम ग्रुपले विगत १२ वर्ष देखि प्लम्बिङका लागि आवश्यक सम्पूर्ण सामाग्रीहरू नेपाली बजारमा उत्पादन तथा वितरण गराउँदै आइरहेको छ । सन् २००९ देखि पाइप्स तथा फिटिङ्स उत्पादन गर्दै आइरहेको यस कम्पनीले नेपालमै पहिलो पटक सिपिभिसि पाइप उत्पादन एवम् वितरण गरेको थियो, जुन निकै लोकप्रिय छ । नेपाली निर्माण बजारमा लोकप्रिय पिभिसि र सिपिभिसिको साथै मंगलमले निर्माण कार्यमा आवश्यक सम्पूर्ण पाइप्स र फिटिङ्सहरु नेपालमै उत्पादन गर्दै आइरहेको छ ।

नेपाली बजारको मागअनुसार नेपालमै उत्पादन गर्ने र आयात कम गर्ने उद्धेश्यले मंगलम्ले रुपन्देही जिल्लाको रोहिणी गाउँपालिका–३, ढक्दैमा अर्को नयाँँ कारखाना खोलेर उत्पादन गरिरहेको छ ।हाल सम्मको नेपालकै सबैभन्दा ठूलो प्रयोगशाला भएको यस कारखानामा हरेक प्रयोजनको लागि आवश्यक पाइप्स् र फिटिङ्सको सम्पूर्ण रेन्जहरु उत्पादन भैरहेका छन् । पुरानो कारखाना सिद्धार्थनगर भैरहवामा अवस्थित रहँदा–रहँदै पनि उत्पादन क्षमता बढाउन तथा अत्याधुनिक प्रविधिलाई नेपाल भित्र्याई नेपाली बजारमा अन्तरास्ट्रिय गुणस्तरको उत्पादन दिने परिकल्पनाका साथ् यो नयाँँ प्लान्टको स्थापना गरिएको कम्पनीले जनाएको छ।

अत्याधुनिकर सुविधा सम्पन्न औजार तथा उपकरणहरु रहेको उद्योगल गभग ३ लाख वर्ग फिटमा फैलिएको छ । कारखानाको वार्षिक उत्पादन क्षमता १२,००० मेट्रिक टन रहेको छ । यो उद्योग पूर्णतया बिजुलीबाट चल्नुको साथै उत्पादनको प्रक्रियामा निस्किने अन्य पदार्थहरु उद्योगभित्रै पूनःप्रयोग हुने हुनाले ध्वनी र अन्य वातावरणीय प्रदुषण पनि हुँदैन ।

यसमा एउटै युनिटबाट CPVC, PVC, HDPE, Wiresafe लगायतका पाइप्सहरु उत्पादन हुन्छ । मंगलम् पाइप्स र फिटिङ्स सबैभन्दा ठुलो पुर्वाधार लगानी भएको पाइपिङ उद्योगहरु मध्य एक हो ।