काठमाडौं । टर्किस एयरलाइन्सले इस्तानबुलबाट अमेरिकाको डल्लाससम्म उडान शुरु गर्ने भएको छ । टर्किस एयरलाइन्सले आगामी सेप्टेम्बर २४ देखि टर्कीको इस्तानबुलदेखि डल्लाससम्म सातामा चार उडान गर्ने जानकारी दिएको छ । इस्तानबुलबाट आइतबार, सोमबार, बुधबार र शुक्रबार उडान गर्ने बताएको छ ।
टर्किस एयरलाइन्सले अमेरिकाको १० प्रमुख शहरमा आफ्नो उडान गरिरहेको छ । यो सहित टर्किस एयरलाइन्सले विश्वभर ३२६ गन्तव्यमा उडान गर्ने भएको छ ।
सन् १९३३ मा स्थापना भएको टर्किस एयरलाइन्सले काठमाडौँबाट युरोपलाई जोड्ने प्रमुख एयरलाइन्सको रुपमा सेवा दिदै आएको छ ।
