काठमाडौं । नेपाल आयल निगमले पेट्रोल, डिजेल, मट्टितेल र हवाईईन्धनको मूल्य आन्तरिकतर्फ २ रुपैयाँले बढाएको छ । नेपाल आयल निगमले शनिबारदेखि लागु हुनेगरी पेट्रोलियम पदार्थको मूल्य बढाएको हो ।
१५ दिन अघि मात्रै पेट्रोलियम पदार्थको मूल्य २ रुपैयाँले बढाएको निमगले पुनः यसको मूल्य बढाएर पेट्रोल प्रतिलिटर १ सय २५, डिजेल मट्टितेल प्रतिलिटर १ सय ८ र हवाई ईन्धनको मूल्य ८० रुपैयाँ पुर्याएको हो ।
निगमले अन्तरराष्ट्रिय मूल्य अनुसार प्रत्येक पन्ध्र दिनमा पेट्रोलियम पदार्थको मूल्य स्वचालित मूल्य कार्यान्वयन कार्यविधि २०७१ अनुसार समायोजन गर्दै आईरहेको छ ।
सोहीअनुसार पछिल्लो समय भारतबाट पेट्रोलियम पदार्थको मूल्य लगातार बढेर आएपछि निगमलाई घाटा भएको निगमले जानकारी दिएको छ ।
