काठमाडौं । चिनियाँ ब्रान्ड हाउजेका मोटरसाइकल बिक्री वितरण गरिरहेको कृष्ण इन्टरनेसनल ट्रेडिङ कन्सर्नले चैत ७ गते र्याली आयोजना गर्ने भएको छ ।
आफ्ना ग्राहकलाई लक्षित गरी दुई सयवटा मोटरसाइकल बेचेको उपलक्ष्यमा आउँदो शनिबार बिहान ९ बजे र्याली आयोजना गर्न लागेको कम्पनीले जनाएको छ ।
हाउजे शोरुम कमलपोखरीबाट अफ रोड र्याली सुरु हुनेछ । ४० किमिको र्याली कमलपोखरी हाउजे शोरुमबाट सुरु भई देउराली टीका भैरव हुँदै पुनः जावलाखेल हाउजेको आधिकारिक सर्भिससेन्टर पुगेर अन्त्य हुनेछ ।
र्यालीमा सहभागी राइडरलाई खाजा, पेट्रोल, हाउजे ब्रान्ड प्रिन्ट गरेको ज्याकेट पनि दिइनेछ र निःशुल्क चेकअप साथै वासिंग पनि ग्राहकले निःशुल्क पाउनेछन् ।
कम्पनीका प्रतिनिधि पनि सहभागी हुने यस र्यालीमा अझै ग्राहकसँगको सम्बन्ध नजिक हुनुका साथै अफ रोड मोटरसाइकल चलाउँदाको अनुभव, आन्तारिक पर्यटनमा वृद्धि हुने हाउजे बाइकका बिजनेस म्यानेजर प्रमिला खत्रीले बताइन् ।
डिलर र सर्भिस सेन्टर बिस्तार गर्दै कम्पनीले नेपाली बजारमा हाउजे ब्राण्डलाई बिक्री वितरण गरिरहेको छ ।
हाउजेले सुजुकीसँगको सहकार्यमा चीनमा हाउजे बाइक उत्पादन गर्दै आएको छ । त्यसैले अन्तर्राष्ट्रिय बजारमा यसको तुलना सुजुकीसँग हुने बताइएको छ ।
सुजुकीले यही स्पेसिफिकेसनको बाइकलाई डीआर १५० ब्रान्ड नेममा बिक्री गरिरहेको छ ।
इन्डोनेसिया र अन्य देशमा यी बाइक निकै लोकप्रिय छन् । एनके १५० बाइक नेपाली बाटोलाई सुहाउँदो रहेको बताइएको छ । रोड र अफरोड दुवैका लागि यो बाइक राम्रो रहेको कम्पनीले बताएको छ ।
डर्ट सेगमेन्टको सो बाइकले नेपाली डर्ट बाइक बजारमा अर्को प्रतिस्पर्धा थपेको छ । यसमा प्रयोग गरिएको इन्जिन र च्यासिसको ब्यालेन्सका कारण राइडर जतिसुकै लामो यात्रा पनि गर्न सक्नेछन् ।
