बिजखबर संबाददाता
बैशाख २३, काठमाडौं । ग्लोबल आईएमई बैंकले चालु आवको तेस्रो त्रैमाशमा रु. ८० करोड ९६ लाख नाफा कमाएको छ । यो गत आवको सो अवधिको तुलनामा ५० प्रतिशतले बढी हो । गत आवको सो अवधिमा बैंकले ५४ करोड ४ लाख नाफा कमाएको थियो ।
चुक्ता पूँजी रू. ५ अर्ब १ करोड रहेको यस बैङ्कले रू. ५७ अर्ब ७३ करोड कूल निक्षेप सङ्कलन गरी ४९ अर्ब ९३ करोड कर्जा प्रवाह गरेको छ । त्यस्तै रू. ९ अर्ब ८७ करोड लगानी गरेको छ । जगेडा कोष १४ दशमलब २३ प्रतिशतले बढेर २ अर्ब १६ करोड पुगेको छ ।
बैंकको खुद व्याज आम्दानी ४९ दशमलब ९९ प्रतिशत र सञ्चालन मुनाफा ५५ दशमलब ९१ प्रतिशले बढेकोले खुद मुनाफा बढ्न पुगेको हो ।
बैंकको व्याज आम्दानी ५० दशमलब ३० प्रतिशतले बढेर १ अर्व ३ करोड पुगेको बताइएको छ ।
गत आवमा खराब कर्जा रहेको रू. २३ करोड १३ लाख चालू आवमा उठाउन सफल भएको छ । बैङ्ककले रू. ३९ करोड ७८ लाख सम्भावित जोखिम बापत छुट्याएकोे छ । कूल कर्जामा बैङ्कको खराब कर्जा थोरै घटेर २ दशमलब ५५ प्रतिशत पुगेको छ । बैङ्कको सीडी रेशियो पनि थोरै बढेर ७८ दशमलब ५४ प्रतिशत पुगेको छ ।
