काठमाडौं । बैंक अफ काठमाण्डू लिमिटेड र सुपर खुदी जलविद्युत प्रालिबीच अप्पर खुदी जलविद्युत आयोजनामा सहवित्तियकरण कर्जा प्रवाह गर्ने सम्झौतापत्रमा हस्ताक्षर भएको छ।
२१.२१ मेगावाट क्षमता रहेका अप्पर खुदी जलविद्युत आयोजनाको अनुमानित लागत ४ अर्ब १९ करोड रहेको छ । सुपर खुदी जलविद्युत प्रालिले लमजुंग जिल्लाको मस्र्याङ्गदी गाऊँपालिकामा उक्त जलविद्युत आयोजनाको निर्माण कार्य गरिरहेको छ ।
उक्त जलविद्युत आयोजनाको निर्माणका लागि कुल लागतको ७० प्रतिशत बैंकहरुको सहवित्तियकरण कर्जा र बाँकी ३० प्रतिशत उक्त कम्पनीको लगानी रहनेछ । बैंक अफ काठमाण्डू लिमिटेडको अगुवाइमा रहेको उक्त सहवित्तियकरणको सदस्यमा ग्लोबल आईएमई बैंक लि, सिभिल बैंक लि, मेगा बैंक नेपाल लि तथा नेपाल क्रेडिट एण्ड कमर्श बैंक लि रहेका छन् ।
