काठमाडौँ । एनआईसी एशिया बैंकले ‘फोटो–पात्रो २०७८’ नामक फोटो प्रतियोगिता सार्वजनिक गरेको छ ।
यस बैंकले आफ्ना ग्राहकहरूको उत्कृष्ट फोटोलाई २०७८ को क्यालेण्डरमा प्रकाशित गर्नुका साथै उक्त उत्कृस्ट फोटो भएकालाई बैंकले उचित नगद पुरस्कारको व्यवस्था समेत गरेको बैंकले जनाएको छ ।
यस प्रतियोगितामा सहभागी हुन इच्छुक व्यक्तिहरुले मौसम, आशा र पोजेटिभिटी, जिवनशैली र दोस्ती विधाहरूमा आफुले खिचेका एक वा एकभन्दा बढी फोटो पठाउन सक्नेछन् भने ५० शब्द नबढाई आफ्नो फोटोको क्याप्सन लेखी एन आई सी एशिया बैंकको लिंकमा अपलोड गर्नुपर्नेछ ।
प्रतियोगिताबाट प्राप्त उत्कृष्ट १२ फोटोहरू बैंकले आफ्नो नयाँ वर्ष २०७८ को क्यालेण्डरमा प्रकाशित गर्नुका साथै दश हजार नगद रकम पुरस्कार समेत प्रदान गरिने व्यवस्था गरिएको छ ।
प्रतियोगितामा फोटो कम्तीमा ५४००* ८३६०० पिक्सल, साइज (इन्च) १८८१२, रिजोलुसन ३०० डिपिआइ र ल्याण्डस्केप हुनु पर्नेछ । साथै यस प्रतियोगिता सम्बन्धी विस्तृत जानकारी बैंकको वेबसाइट तथा सामाजिक सञ्जालहरूमार्फत प्राप्त गर्न सकिनेछ ।
यस प्रतियोगिताबाट उत्कृष्ट १२ मा सामेल हुन नसकेका अन्य आकर्षक फोटोहरूलाई बैंकले सम्मानस्वरूप आफ्नो सामाजिक सञ्जालको माध्यम बाट फोटो खिच्नेको नाम र क्याप्सनका साथ प्रकाशित गर्ने व्यवस्था गरेको छ ।
