काठमाडौं । लुम्बिनी बिकास बैंकले चालु आर्थिक बर्षको पहिलो त्रैमासमा रु ११ करोड १७ लाख खुद नाफा कमाएको छ । बैंकले शुक्रबार सार्वजनिक गरेको पहिलो त्रैमासको वित्तिय विवरणले यस्तो देखाएको हो ।
बैंकको यो नाफा गत आवको सोही अवधीको भन्दा बढी हो । गत आवको सोही अवधीमा बैंकले रु। ९ करोड ६८ लाख खुद नाफा कमाएको छ ।
समिक्षा अवधीसम्म बैंकले ग्राहकबाट रु. ३२ अर्ब ४४ करोड ७५ लाख भन्दा बढी निक्षेप संकलन गरेको छ । कर्जा तर्फ भने बैंकले रु. २५ अर्ब ४५ करोड प्रवाह गरेको छ । बैंक तथा वित्तिय संस्थालाई पनि यस बैंकले रु। २ अर्ब भन्दा बढी कर्जा प्रवाह गरेको छ ।
प्रवाहित कर्जाबाट बैंकले समिक्षा अवधीमा रु. ८७ करोड ९ लाख ६१ हजार कुल व्याज आम्दानी गरेको छ । बैंकको खुद व्याज आम्दानी भने रु. २४ करोड ९५ लाख रुपैयाँ रहेको छ ।
हाल उक्त बैंकको चुक्तापुँजी रु. २ अर्ब ७१ करोड रहेको छ । बैंकले आफ्नो जगेडामा भने रु. १ अर्ब ४४ करोड जम्मा गरेको छ । वित्तिय विवरण अनुसार बैंकको प्रति शेयर आम्दानी रु. १६.४५ रहेको छ । यस्तै, पीई रेसियो १३.१९, प्रति शेयर नेटवर्थ १६०.९८ रहेको छ ।
