काठमाडौं । महालक्ष्मी विकास बैंकले आफ्ना ऋणीलाई असोज मसान्तभित्र तिर्नुपर्ने ब्याज भुक्तानी गरेमा ब्याज रकममा १० प्रतिशत छुट दिने भएको छ ।
बैंकले मंगलबार एक सूचना जारी गर्दै दशैंको अवसरमा कोरोनाका कारण उत्पन्न असहज परिस्थितिमा असोज मसान्त भित्र तिनुपर्ने व्याज भुक्तानी गरेमा भुक्तानी भएको व्याज रकममा १०% छुट प्रदान गर्ने निर्णय गरेको हो ।
बैंकले व्याज रकममा १०% छुट असोज मसान्तभर प्रदान गर्ने जानकारी दिएको छ । ग्राहकहरुले विषम परिस्थितिमा पनि कर्जाको किस्ता/ब्याज भुक्तानी गरेर देखाएको इमान्दारीताको कदर गर्दै बैंकले केही कर्जाहरुमा व्याजदर समेत घटाएको जानकारी दिएको छ ।
