बिजखबर संबाददाता
११ भदौ,काठमाडौं । स्ट्यान्डर्ड चार्टर बैंकले काठमाडौंको बौद्धमा नयाँ शाखा स्थापना गरेको छ ।
बैंकले बौद्धस्थित भाटभटेनी सुपरमार्केट परिसरमा शाखा स्थापना गरी बिहीबारदेखि कारोबार सुरु गरेको हो । सो शाखाको बैंकका कार्यकारी निर्देशक जोसेफ सिल्भानुसले उद्घाटन गरे ।
बौद्धमा स्थापना गरिएको नयाँ शाखाबाट आफ्ना ग्राहकलाई बैंकिक सुविधा उपलब्ध गराउनुका साथै डिजिटल बैंकिङ सेवा सहज रुपमा उपलब्ध गराउने क्लाइन्ट रिलेसनसिप एक्जुटिभ डाइरेक्टर अम्मर हुसेनले जानकारी दिए ।
